“O gran
poeta que escribiu este artigo é dos
mais dilectos e admirados irmáns da Galiza.” Con estas verbas presentaba a
redacción da revista A Fouce o artigo
titulado O Costume (que hoxe reproducimos),
autoría de Victoriano Taibo, e publicado o 15 de xuño de 1930 en Bos Aires
(Arxentina). Daquela, Victoriano levaba dous meses instalado na Casa de Ulla, exercendo como mestre en Morgadáns, e xa
publicara as obras Abrente (1922) e Da vella roseira (1924); ademais dunha
serie de colaboración en numerosas revistas, principalmente galeguistas.
20 marzo, 2013
16 marzo, 2013
Armonías do Nadal
Armonías do Nadal foi composta polo mestre de Morgadáns
Victoriano Taibo no ano 1955. Conta o noso compañeiro Miguel Anxo Mouriño que
Taibo participou no costume de enviar felicitacións de Nadal con tarxetas,
dípticos ou opúsculos de autoría propia, co apoio doutros artistas amigos.
Estas felicitacións chamáronse xenericamente nadais.
Rescatada e
transcrita por Mouriño, reproducímola parcialmente e achegamos unha copia do
orixinal.
Armonías do Nadal, así coa grafía en castelán, foi
publicada un ano despois pola revista Vida
Gallega. O debuxo é do pintor e ilustrador Xohán Ledo, pseudónimo de
Ricardo García Suárez, médico de profesión.
Lembranza da tecedeira
O compañeiro do
Instituto de Estudos Miñoranos, Antonio Valverde Alonso, máis coñecido, no Val,
como Juan, fainos chegar este poema manuscrito de Victoriano Taibo. Ignacio
Novás Piñas, fillo de Juan Novás Guillán a quen Taibo dedicou esta
"Lembranza da tecedeira" agasallou a Juan, ou Antonio, con esta
xoia. O poema está asinado en Morgadáns
o 15 de setembro de 1947. Foi publicado, co mesmo título, na revista Sonata Gallega II, no número
extraordinario de 1949 en páxina non numerada. Posteriormente, en 1968, na
revista El Museo de Pontevedra, nº 22, 1968, páxinas 127-130, co título
lixeiramente alterado: "Lembranzas da Tecedeira".
Subscribirse a:
Publicacións (Atom)